الحيمه الداخليه

منتدى تعليمي ثقافي
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 بعض زوامل قبائل همدان الشرى (همدان بن زيد)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عمر الشايف



عدد المساهمات : 3
تاريخ التسجيل : 15/02/2010

مُساهمةموضوع: بعض زوامل قبائل همدان الشرى (همدان بن زيد)   الإثنين فبراير 15, 2010 4:30 pm

إليكم زوامل قبايل همدان بن زيد
1) زامل آل زمانان :
ياسلامي ياهل الجــــــــــــــود والراي المصيب يارجال تنثني عند عتق رقــــــابها
لي عوى ذيب الحضن وأردف الصوت الصليب منطقة نجران لجت جميع ذيـــــابها
صلب جدي تنقل الحـــمل وتضد الحــــــــريب عزوة آل جريب عند اللقا يدرى بها

2) زامل الخضرة ( لسلوم ) :
سلام ياهمدان ياذخر الزمـــــــان ياللي لنا كنز وحن له رأس مال
شيحن لكم وأنتو لنا في كل شان لمالت الدنيا وصك الجال جــــال

3) زامل الصقور :
سلام ياهمدان والفزعة لنـــــــا عادات عاداتنا كسب الجمايل
حملك ثقيل وأبشر بنا ياصاحب النالات حقك على كل القبايل

4) زامل آل سرار آل بو غبار :
عد وبل من قنوف غزيـــرة ياسلام الله عليكم جميــــــع
حن لكم في شانكم ذا وغيره سيف هندي في الملاقا وريع

5) زامل آل حمامة :
سلام ياهمدان يالجد العريب ياللي توقف للحمول الكايده
حن لكم وأنتو لنا سد قطيب والله السلامه عندنا أكبر فايده

6) زامل المكاييل :
ياسلامي عد برق تلالا في سمـــــــــاه صوت رعاده يهز الجبــــــــال الراسية
وان دعانا مبتلي نحتضي له من غلاه حن سندكم درعكم في الظروف القاسيه

7) زامل آل عنكيص :
ياسلام الله عليكم عدد وبل المطر ياقصور في الشدايد يضل إضلالها
نحتضي لشانكم وان بدى ماننقصر القبايـــــل تنثني عند عادات لهــــا

زامل آل ياسين :
ياسلامي عدد ماهل همالي يارجال نقدرها ونغليــــــــــــها
ليبدى شانكم مانذخر المالي نرخص الروح والدعوة نلبيها

9) زامل آل معيض الوعله :
ياسلامي يارجال لهم باع طويل دون مايمنع ولدها تسوق أموالها
لابتي يامية مايسايرها ذلــــــيل بالفعايل تصرخ الحيث تصر أقوالها

10) زامل آل مهري :
ياسلام الله عليكم عدد وبل الربيع لصفى نوه وسيله تزايد في شعابه
يارجال في المواقف لها شان رفيع وإن رسى حمل تشله ولا تضرب حسابه

11) زامل آل عوض الوعله :
ياسلامي على ربع عوايدها تكسب الطيب حاضرها وماضيها
يارجال الحمول وشل كايدها صلب همدان فزعتنا لحاضيها


12) زامل أشراف بدر :
ياسلامي على كسابة الناله نسل الأشراف والدعوة نلبيها
من عنا للقبايل بنتعناله والســــــــلوم القديمة مانخليها

13 ) زامل آل زبيد:
ياسلامي يارجال يدوسون الخطر ياهل النالات والعز في يوم الوعيد
من تحمل حمل كايد فيبشر بالسفر لابتي يام بن يصبأ وهمدان بن زيد
) زامل آل ضويعن :
ياسلامي على السد المنيـــــــع لابت تنثني للمبتــــلي
حن لكم في الحضا حصن رفيع من زهمنا فهمه ينجلي

15) زامل آل ابا الطحين :
وان غزانا الشره في غارات ماهزنا بندق الـــــــغازي تكذب وحنا ثايـــــره
حن بني يام وهمدان لي هز القنــــا حن هل الطولات واهل الحمول الجايره

16) زامل آل( منجم + شرية + مسعد ) :
مني سلام الله مثنى واعداد مانشى السحايب
همدان يازبن المجنى تاريخهم فيه العجايب
وإلى بدا الواجب حضرنا ماننقصر غمر وشايب

17) زامل آل بحري :
سلام ياهمدان خالص بإحترام سلام ياهمدان من لسني ميات
والجد همدان حن من صلب يام في سلمنا ماحن نخلي المقديات

18) زامل بني هميم :
والعوايد قديمة في سلوم القبايل لاتخلي عوايد جدك اللي بنى
صاحبك ليرسى للحمل عدل ومايل لاتخليه وقت الضيق يوم ابتلى

19) زامل آل قريش :
ياسلام الله عليكم وأثني بالسلام يالرجال اللي على الحق ما تعصي الدليل
لابتي دعوى وعيل لما أشتد الزحام تلطم العايـــــل وتبدي لما شل الثقـــــــيل

20) زامل آل معيض آل أبو غبار :
ياسلامي يارجال لهم باع طويل دون مايمنع ولدها تشوف أموالها
لابتي يامية مايسايرها الذليل تلطم العايل وتبدي لما شل الثقيل

21) زامل آل قنة :
ياسلامي على اللي طايل العدة يارجال توقف دون عانيها
لابتي تنثني في ساعة الشدة سلم جداننا ماحن نخليها

22) زامل آل سالم الوعلة :
ياسلامي صلب همدان منجيت الدخيل ياهل الحد اليماني يدوسون الخطر
قلتها بإسم آل سالم لما هز الشليل حن رجال وعيل ناقف لما رد الخطر

23) زامل آل سعد :
ياسلامي على اللي تمن الحدي صلب همدان قاصيها ودانيها
قلتها باسم ربع تقهر الضدي تحتضي ليبدى لازم عوانيها

24) زامل آل ذيبان :
ياسلامي ياهل العز همدان بن زيد يارجال ترخص الروح دون المبتلي
حن لكم عند النوايب وفي اليوم الشديد مثل رجم من توزاه حمله ينجلي


25) زامل آل ابو جباره :
ياسلامي على اللي فعلهم غانم عند طولة قبايلهم ولد صاحب
مايخلي رفيقة ساعة اللازم كون من يجهل العادات والواجب

26) زامل آل يحي وايله :
ياسلامي على صلب جدي لابتي من عصور قدايم
واجعلونا لكم حصن مبني طلعها ازتبن فيه دايم
7) زامل آل عاطف بن سلطان :
ياسلامي على اللي شبرهم وافي صلب همدان ياللي تفتخر فيها
آل مطلق تجيكم جمع وخفافي نصرت المبتلي ماحن نخليها

28) زامل آل فروان :
ياسلامي يارجال الظفر أنتوا أخوانا في الدين والله يعين
يوم جاتنا رسايلكم وجانا الخبر نرخص اموالنا في شانكم محتضين

29) زامل آل راكه :
يوم جانا خبر همدان زبن المجنى حاضرين نشاركهم بحال ومال
حن بني عمكم والحف يشكي ضعنا كل ماضاق ضيقنا علية المجال


31) زامل آل مستنير :
ياسلامي على اللي عندنا غالي يارجال الوفا والدين والجابه
حالنا حالكم في النفس والمالي كل رجل عزيز نحسب حسابه

32 ) زامل آل الشهي :
ياسلام الله سلام يثنى عاش من شل حمل يكود
ماردي العزايم بمنا من زهمنا فيرقى سنود

33) زامل آل خريم :
ياسلامي على اللي تحتمي في العزاوي وان من صكتة الأقدار مافيه حيله
لابتي تني للي بلتة البـــــــــــــــــــلاوي وليبدى الشان تبرك للحمول الثقيله

34) زامل آل البكري :
ياسلام الله على من نصينا ماقول القاري وخط البيان
جارنا له حق وواجب علينا ناصله لو هو بعيد المكان


35) زامل الحدد:
سلام يامن حن نصينا ياللي توزي كل هارب
ليبدى اللازم حضرنا ماحن نخلي كل واجب

36) زامل آل منصور:
سلام ياهمدان يازبن الدخيل ياعزوة المكروب لشيء بلاه
جينا نعاونكم وربي اللي يعين حنا لكم مثل الدبا زاده وماه

37) زامل آل مطير :
ياسلامي على اللي يحملون الثقايل عد ماحنت رعوده وبرقه سرى
يابن همدان شبرك فوق الأشبار طايل سعد عينه من انتوا له حجاب وذرى

38) زامل آل سليمان :
سلام ياروس النوابي همدان يازبن الدخيل
لجارت حمول الركابي فانتوا هل الحمل الثقيل

39 ) زامل آل مردف :
ياسلامي ياهل العز والراي السديد صلب همدان آل عباس زبن المبتلي
لابتي صبيان يام ملينت الحديد ومن دعانا في الشدايد فهمه ينجلي
) زامل آل حمد بن زيد ( آل سالم ) :
ياسلامي ياهل الجود من ساس الجدود لابت يامن بها من وزى في ظلها
وابن همدان دعانا يرقى بنا سنود في الحمل والا في أمور صعيب شلها

41) زامل آل فتان ( الشرمان ) :
ياسلام القبيله والشريعه في الرقاب وقد نزل في القران
ساس همدان حصون منيعه ربع مضيــــــــــوم بلاه الزمان

42) زامل الزبادين :
ياسلام الله على من نصينا ياوزى الجرم لما جاه زله
ليبدى شان ٍ لكم ماتقينا حن هل الناموس وانتوا محله

43) زامل الربعه :
سلام ياهمدان يازبن الدخيل أهل المبادي اللي رفيع شانها
شلالة للعز والحمل الثقيل فرسان لمنه ركض شيطانها
وأقولها من لابتٍ سيف صقيل ترد العدا ومزبنة جيرانها

44) زامل آل سليم :
ياسلامي يالقصور الرفيعة ياهل الوقفات للحمل مايل
حن لكم مثل الحصون المنيعة نحتضي ليجا نهار الشلايل

45) زامل آل الحارث :
ياسلامي على همـــــــــــــــــــدان منا سلام يثنى يارجالٍ لهم وقفات تذكر نهار الشلايل
حن ضنى حارث بن أحسن زبون الدخيل المجنى لابتي تنذكر بالعز والطيب تكسب جمايل

46) زامل آل مخلص :
ياسلامي على همدان ساس القبايل يارجالٍ لهم في المدح شبر طويل
لابتي ترخص الغالي لكسب الجمايل شرعنا ننطح الواجب وننجي الدخيل

47) زامل آل صليع :
ياسلامي عد مانشى المخالي بارقه يسقي الديار الخلية
الرجال اللي تشل الثقالي طبع همدان الوفا والحمية

48) زامل المحامض :
ياسلام الله على اللي يضدون الحريب صلب همدان هل الطيب والساس الرفيع
ليبدى شان القبايل حضرنا مانغيب والجمايل عند راعي الجمايل ماتضيع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بعض زوامل قبائل همدان الشرى (همدان بن زيد)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الحيمه الداخليه :: المنتدى الشعبى :: هموم وآراء :: الشعر و الزوامل الشعبية-
انتقل الى: